Symptoms jo log ignore kar dete hain
Thakan, acidity, hair fall — inhe "normal" maan lena aasan hai. Yahan wo signs hain jinke peeche ek simple test hota hai, aur wo kis ko karana chahiye.
Vitamin D3 — dhoop wale mulk me bhi kami
Vitamin D calcium ko absorb karne me madad karta hai — kami ho to haddiyan kamzor, muscles me dard aur immunity down. Ghar ke andar kaam, dhoop se bachav aur covered clothing ke wajah se ye kami India me bahut aam hai, aur khaas taur par auraton aur bachchon me.
Jinhe lagataar bone/joint pain hai, jo bahut kam dhoop me nikalte hain, pregnant ya breastfeeding mothers, 50 ke oopar log, aur jinki haddi ki chot jaldi theek nahi hoti.
TSH normal hai, phir bhi symptoms kyun?
Sirf TSH dekhne se poori tasveer nahi milti. Autoimmune thyroid disease me sharir apni hi thyroid gland ke against antibodies banata hai — TSH kuch samay tak normal reh sakta hai, lekin symptoms shuru ho jaate hain. Anti-TPO aur Anti-TG antibodies isi ko pakadte hain.
H. pylori — rozana antacid ki asli wajah
Helicobacter pylori ek bacteria hai jo pet ki lining me reh kar chronic gastritis aur ulcer paida karta hai. Log saalon tak antacid khaate rehte hain aur wajah ka pata nahi chalta. IgG aur IgM antibodies ka blood test infection ki taraf ishara karta hai.
Test positive aane par ilaaj doctor decide karte hain — usually antibiotics ka ek course. Ghar ke doosre members me bhi symptoms hon to unka test karana samajhdari hai.
Symptoms bata dein — sahi test hum suggest kar denge
Free home collection ke saath, Azamgarh City, Bilariyaganj aur Jiyanpur me.